تعب القلوب
حيّر أطبــة كتير
جرح السنين
مش لاقى له تفسير
كتر الملام
موّت ف قلبى الخير
غدر الزمان
خلانى يا ابا اسيــر
عايش يا دنيا الهم فيكى اتنين
ولا مرة قلتى السكة بس منين
بنتعاتب
ونتحاسب
ونتقابل
ونتكلم
كلام مالوهش اساس
ومشربانى المرّ كله ف كاس
حبسانى ليه ما بين اربع حيطان
ومضيقة حبل الخناق وكأنى مش انسان
ومعشّمانى بوهم اسمه امان
بالمزاج او غصب عنك
هنسى انى جريح
اكمنى قادر رغم انفك
انى اصد الريح
هكسر قيود الوهم والتزييف
وانسج خيوط وشك بشكل نضيف
وحياتى طول العمر تبقى ربيع بأحلى ورود
يا رب خلّى الهم جوه القلب ماله وجود
والفرحه
ايوه الفرحه
تخلق دنيا مالها حدود !!!!
كتابة المرحومة سارة قليوان الله يرحمها
الإثنين مايو 31, 2010 4:41 am من طرف حماده الحوت
