محدش شاف مصر يا ولاد الحلال
محدش شاف مصر ياولاد الحلال
معلش اعذرونى لا نا نظرى على قد الحال
ووعوا حد يقولى مصر مبارك ولا جمال
محدش شاف مصر ياولاد الحلال
لو حد شافها يبعتلى قوام
لانا خايف عليها قوى وقلقان
و النبى يسألها راحت فين اصلها وحشانى من زمان
بقالى سنين بدور عليها فى كل مكان
هية راحت فين يا ولاد الحلال بلعوها الحيتان
تعرفوا مصر زمان كانت تنام فى حضننا
كنا اذا غبنا عنها تجرى علينا تضمنا
كنا ضعاف كانت هية قوتنا
وكانت هية صوتنا وكلمتنا
وكانت بتقعد معانا وتشرب الشاى
اية اللى حصلها وحصلها امتى وازاى
كل حاجة حلوة فيها ماتت متعرفش ازاى
الإثنين مايو 31, 2010 4:41 am من طرف حماده الحوت
